Иске Суыксу Выселкасы авылы халкын нәрсә борчый? (+ фото)
Авыл урамнарындагы электр линияләренә, газ үткәргечләргә орынып торучы зур-зур агачлар бүгенгедәй көчле җил-буранда сынып төшеп, утсыз-газсыз калдырмасмы, бәла китереп чыгармасмы дип борчыла алар. Әмирҗан абый Әхмәтшин авыл эчендәге шундый җиде ноктаны күрсәтеп чыкты “Байрак” (“Знамя”, “Ялав”) газетасы һәм “Буа дулкыннары” телевидениесе хезмәткәрләренә. Тиешле органнардан җавап алырга вәгъдә бирдек. Халыкны борчыган башка проблемалар, аларны чишү мөмкинлекләре, юллары турында да язманы киләсе атнада укырсыз.
