Эшъяськон тугоко (Эфир от 21.03.2023)
30 арлэсь кема кырза но калыкез шулдыртэ ини Алнашысь Николай Постников нимо "Алнаш мылкыд" калык ансамбль. Сое 1991-тӥ арын кылдытӥз вал ачиз крезьгурчи. Аслэсьтыз кырӟанъёссэ но со отысь эшъёсыныз ӵош кыре поттылӥз. Нош 2010-тӥ арын Постников улонысь кошкем бере, коллектив кема утчаз аслэсьтыз выль тусбуйзэ. Табере со паськытгес но кӧня ке мукетгес луэмын, "калык" ним басьтэмын. «Эшъяськон тугоко» сузьетысь радиоверанамы со сярысь кенешиськомы ансамбльысь кырӟасьёсын Надежда Трескинаен, Светлана Плотниковаен, арганчиен но крезьгурчиен Александр Галеевен но кивалтӥсенызы Ольга Поляковаен#РадиоРоссииУдмуртия
