7 октября 2014 года в Заинске

07.10.2014 15:19

Зәйдә җомга көнне 2 фаҗига теркәлде

Җомга, статистика буенча, юлларда техника хәрәкәте аеруча көчле көннәрдән санала. Бу аңлашыла да. Атна ахырында шәһәрдән авылларга, ерак юллардан эш тәмамлап кайтучылар күбәя. ЮХИДИ инспекторлары белдерүенчә, мондый көннәрдә фаҗигаләр дә арта. Мәсәлән, узган атнадагы кеше сәламәтлегенә, техникаларга зыян килгән һәлакәтләрнең 2се дә җомгада теркәлгән. Икесе дә эңгер-меңгер вакытта булган. Беренчесе Нариманов урамы белән Нефтьчеләр проспекты чатында ВАЗ автомобилен иярләүченең борылышта “Газель”гә юл сапмавы нәтиҗәсендә килеп чыккан. Читать дальше...

07.10.2014 15:00

Зәй спорт-сәламәтләндерү үзәге яңара

Зәй спорт-сәламәтләндерү үзәгендә төзекләндерү эшләре бара. Биредә үзәкнең спорт халы стеналары ремонтлана, тәрәзәләре заманчага алыштырыла. Алга таба кабинетларда да төзекләндерү эшләре башкарылачак.

07.10.2014 14:58

Зәй эшмәкәре гыйбадәтханә яңартуга алына

Зәй эшмәкәре Александр Никулин игелекле эшләр башында тора. Ул Иске Зәй бистәсендәге ташландык, җимерек чиркәүне торгызырга ниятли. Әлеге чиркәү 1881 елда төзелеп, зилзиләле еллар кичеп, ташландык хәлгә килде. Бүгенге көндә өч як стенасы гына исән булган чиркәүне торгызу күп чыгым һәм вакыт сорый. Күңелендә изгелек булган эшмәкәрнең моны башкарып чыгасына шик юк.

07.10.2014 14:44

Өлкәннәр – сәяхәттә

Зәй районы җитәкчелеге һәм ветераннар советы шәһәрнең бер төркем хезмәт ветеранын Поручик авылында сафка баскан ФАП, Якты Күлдәге участковый йорты, мәктәп, балалар бакчасына сәяхәт оештырды. Алар өчен Якты Күлдә чәй табыны артында концерт та оештырылды.

07.10.2014 13:15

Зәйнең яшь педагоглары сынатмады

Республика эшче яшьләрнең икенче телевизион фестивалендә Зәй районы җыелма командасы уңышлы чыгыш ясады. Яшь укытучыларның “Наше время - Безнең заман” командасы “Экспресс-газета” номинациясендә дипломга лаек булды.