8 декабря 2014 года в Заинске

08.12.2014 15:58

“Бозда сак булырмын ” рәсем бәйгесенең район туры тәмамлануга бара

ТР Гадәттән тыш хәлләр министрлыгы кече күләмле судноларны теркәү буенча дәүләт инспекциясенең мәктәп укучылары арасында сулыкларда куркынычсызлыкны тәэмин итү максатында “Бозда сак булырмын ” дип исемләнгән рәсем бәйгесе оештыруын хәбәр иткән идек. Район этабында узачак бәйгегә шактый эш җыелган. Район этабы 15 декабрьдә тәмамлана, бәйгедә катнашырга теләкләре булганнарның эшләрен әлеге көнгә кадәр мәгариф идарәсенә тапшырып бетерүләре сорала.

08.12.2014 14:56

Өчесе дә үлгән

“Зәй шикәре”АҖендә эш урынында, пешкән өч-ир егетнең кичә үзәк дәваханәнең реанимация бүлегендә аңга килмәгән килеш үлүе билгеле булды. Россия Федерациясе Тикшерү комитетының Татарстан буенча Зәй район бүлеге тикшерүчесе Тәслимә Хәсәншина белдерүенчә, 5 декабрьдә - фаҗига булган көндә үк җаваплы затларның эш урынында хезмәткәрләрнең куркынычсызлык кагыйдәләре үтәлешен тәэмин итмәүләре буенча җинаять эше кузгатылган.

08.12.2014 13:57

Зәй инвалидлары булдыра (фотолар)

Инвалидлар декадасы кысаларында бүген “Космос” яшьләр үзәгендә ижат фестивале узды. Анда физик мөмкинлекләре чиклеләр башкару осталыгын күрсәтте. Араларында башкала сәхнәләрен тотарлыклары бар. Инвалидлар җәмгыятенең актив әгъзасы Әнисә Шәфиева – районда мәгълүм кеше. Ул агачка рәсем ясау, шигырь язу остасы да. Фестивальдә аның кул эшләреннән күргәзмә оештырылды. Әнисә ханымның чарада укылган шигырьләре тамашачыларга ошады. Фестивальдә район җитәкчесе Разиф Кәримов катнашып, чыгыш ясаган инвалидларны котлады... Читать дальше...

08.12.2014 13:52

Зәй егете – милли ансамбльдә

Зәйдә “Энергетик” Мәдәният сараенда көндез мәктәп укучылары, кичен яшьләр өчен Татарстан Республикасы фольклор музыкасы Дәүләт ансамбле чыгыш ясады. Азия, Европа, Африканы иңләгән ансамбль чыгышын зәйлеләр көчле алкышлырга күмде. Әлеге ансамбльдә чыгыш ясаган Ринат Сәләхов зәйлеләрдә горурлык хисе өсти.

08.12.2014 13:35