1 сентября 2015 года в Буинске

01.09.2015 17:10

Саратов өлкәсендәге ДТПда буалылар каза күрде

Әлеге юл-транспорт һәлакәте 30 август көнне Сызрань — Саратов — Волгоград федераль трассасында Вольск районы территориясендә була. Икенчел дәрәҗәдәге юлдан чыгучы “Лада-Приора” йөртүчесе юл бирми һәм “Тойота Королла” автомобиле белән бәрелешә. “ВАЗ” руле артында булган 1964 елгы ир-ат һәм аның пассажиры шунда ук һәлак булалар, ә чит ил автомобиле салонындагы буалылар – 35 яшьлек хатын-кыз һәм 9 һәм 4 яшьлек ике бала Балаково шәһәре дәваханәсенә озатылалар.

01.09.2015 15:28

Иске Бырындык авылында яшәүченең өендә шартлаткыч һәм ау патроннары табылды

Хокук саклау хезмәткәрләре 28 августта Иске Борындык авылында яшәүче 1964 елгы ир-атның өендә, тикшерү вакытында калай банкаларга тутырылган 750 граммга якын шартлаткыч матдә һәм, 65 ау патроны табып алалар. Порошок “Сокол” тибындагы күкерт була. Әлеге факт буенча РФ Җинаять Кодексының 222.1 маддәсенең 1 бүлеге буенча җинаять эше кузгатылды.

01.09.2015 14:51

Буада 7 яшьлек бала ДТП да зыян күрде

30 августта көндезге 1 сәгатьләр тирәсендә шәһәрнең Напольная урамы 39 йорт каршында 2008 елгы ир-бала кинәт автомобиль юлына чабып чыга. Узып баручы 1948 елгы “Лада-Калина” автомобиле хуҗасы аны күреп алып, тормозга басса да бала өлешчә зыян күрергә өлгерә. “Ашыгыч ярдәм” бүлегеннән алынган мәгълүматларга караганда, ул баш мие селкенеп һәм маңгае сыдырылып, хирургия бүлегенә госпетелизацияләнгән. Үзен әйбәт хис итә.

01.09.2015 11:57

Бүген мәктәпләрдә беренче кыңгырау чыңлады (фоторепортаж)

Иртән үк чәчәк бәйләмнәре күтәргән, яңа, үтүкләнгән мәктәп формалары кигән укучылар шәһәр урамнары буйлап мәктәпләргә агылды. Бүген алар өчен уку елы башлануын хәбәр итеп беренче кыңгырау чыңлады. Районның барлык мәктәпләре тулы әзерлектә үз укучыларын каршы алдылар. Мәктәп бусагасын быел барлыгы 4792 бала атлап керде, шуның 510ы – беренче сыйныфка килде. 1 сентябрь кайсы мәктәптә ничек узды. Игътибарыгызга фоторепортаж тәкъдим итәбез. 6 номерлы мәктәптә М. Вахитов исемендәге гимназиядә... Читать дальше...