8 июля 2015 года в Буинске

Барлыгы районның 250 яшүсмер каникулда шөгыль үзәге аша эшкә урнашырга теләк белдерде. Шуның 142се июньдә үк эшкә урнашты. Калганнары июль-август айларында хезмәт куячак. Авылдагы яшүсмерләрнең күбесе агрофирмаларда көч куйса, шәһәрдә яшәүчеләре төзелеш оешмаларында эшли. Аларга айлык тулы хезмәт көне өчен шөгыль үзәге аша 1275 сум акча күчерелә.   Балигъ булмаганнар хезмәтен закон кысаларында дөрес файдалану турында Буа шәһәр прокуратурасы биргән язмада таныша аласыз.       Особенности регулирования... Читать дальше...

Район ЗАГС бүлегеннән алган мәгълүматларга караганда, быел гыйнвар-июнь айларында районда 93 пар никахлашкан, бу узган елның тиңдәш чорындагыдан 14кә азрак. Аның каравы бу чорда аерылышучылар саны 31гә кимегән! Былтыр елның беренче алты аенда 72 пар, быел – 41. Өйләнешүчеләрдән  82 пар шәһәрдә, 11е авылда яши. ЗАГС хезмәткәрләренә 18 яше тулмаган бер парның никахын теркәргә туры килгән. Ә икенче очракта 76 яшьлек бабай белән 68 яшьлек әби законлы гаилә корганнар.

Район ЗАГС бүлегеннән алган мәгълүматларга караганда, бүген районда иң модалы исемнәр  кызлар арасында Самира, Әминә, Мәликә, малайларныкы – Тимур, Самир, Әмир, Рамазан. Әйткәнебезчә, агымдагы изге айда улларына Рамазан исеме кушучылар күбәйгән, ә бер кызга Бәрәкәт исеме биргәннәр. Сабыйларга сирәк кенә Егор, Данияр, Елизавета, Солтан, Раяз, Нариман, Карина, Кристина исемнәре дә биргәннәр. Арада Николь, Кирам, Имран дип кушучыар да бар. Ә менә Гөлназ, Илназ, Илсөярләр – кичәге көн, дөресрәге, кичәге исемнәргә әверелеп баралар. Читать дальше...

Агымдагы елның гыйнвар-июнь айларында районда 272 бала туган. Беренчедән, бу узган елның тиңдәш чорына караганда 25кә күбрәк, икенчедән, бәби “алып кайтулар”  буенча авыл шәһәрне куып җитә язган. Яңа туган сабыйларның 141е шәһәрле, 131е авылдан. Әле узган ел гына бу вакыт арасында туган балаларның 169ы шәһәрдән, 78е авылдан булган. Сүз уңаеннан, ярты елда бер игезәк пар туган. Ә менә үлүчеләр саны, кызганычка каршы, узган елның яртыеллыгы белән чагыштырмада күбрәк. Быел ярты елда 383 буалы якты дөнья белән хушлашкан. Читать дальше...

  Сегодня, 8 июля, девятнадцатый день месяца Рамазан. Время разговения с 20 часов 24 минут, утренний прием пищи заканчивается в 1 час 19 минут.

Районның полиция хезмәткәрләре 8 июньнән 9ына каршы төндә Рус Киштәге авылындагы кибеттән акча һәм азык-төлек урлап чыгучыларны эзләүне дәвам итәләр. Караклар бик астына куелган сәүдә ноктасына үтеп кереп  аннан 3500 сум акча һәм 2000 сумлык азык-төлек товарлары алып чыгалар. Караклар әлегә тотылмаган аларның шәхесен ачыклау бара.

Мондый төр оптимальләштерүне тәкъдим итүче документ РФ Хөкүмәте тарафыннан яклау тапкан инде. Бүген илнең югары уку йортларында унҗидедән утыз яшькә кадәрге  10 мең абитуриентка уртача 800 бюджет урын туры килә. Әгәр Россия Федерарациясенең Финанс министрлыгы тәкъдим  иткән документ үз көченә керсә, ягъни югарыда телгә алынган кыскартудан соң шул ук сандагы абитуриентларга вузларда  уртача 750 урын туры киләчәк.

  Бәйрәмнең “гаеплеләре” – шәһәрдә яшәүче Кәмәрия һәм Гарифҗан Хисамовлар бүген 62 ел бергә гомер итү уңаеннан бик күп тәбрикләүләр кабул иттеләр. Чарада район башкарма комитеты җитәкчесе Сәлим Даутов та катнашты. Ул да шәхсән үзе белгән әлеге гаиләгә изге теләкләрен җиткерде, “Мәхәббәт һәм тугрылык” медален тапшырды. Бәйрәмнең икенче өлешендә ике һәм аннан да күбрәк бала алып кайтучы өч гаиләгә ана капиталы сертификаты бирелде. Аннан сүзне “Нечкәбил” республика конкурсында катнашучы Ләйсән Сәмерханова... Читать дальше...