24 сентября 2014 года в Заинске

24.09.2014 15:20

Зәйдә яшьләр сәясәте, патриотик тәрбия мәсьәләләре буенча фикер алыштылар

Бүген Зәйдә яшьләр сәясәтен формалаштыру, патриотик тәрбия мәсьәләләре буенча эшләүче барлык оешма, учреждениеләр, җаваплы хезмәткәрләр катнашында түгәрәк өстәл утырышы үтте. Анда яшьләр сәясәте буенча яшьләр эшләре идарәсенең 9 айлык эш нәтиҗәләре каралды, гражданнарны хәрби хезмәткә әзерләүдәге проблемалар тикшерелде, патриотик тәрбиянең яшьләр арасында ни дәрәҗәдә алып барылуы, алга таба бу юнәлештә үзенчәлекле эш алымнары куллану турында фикер алышулар булды, студентлар хезмәт отрядларын оештыру мәсьәләләре каралды. Читать дальше...

24.09.2014 12:56

Зәй “Нур” мәчетенә 20 ел

Зәйнең “Нур” мәчете төзелүгә 20 ел тулды. Ул “Ялчыгол укулар”ы белән бергә билгеләп үтелде. Юбилей уңаеннан мәчет төзелешенә зур өлеш керткән Шамил Сәлаховка, төзү эшләрендә катнашкан Оркыя апага, Мөнир ага Зыятдиновларга ТР Диния нәзарәтенең Рәхмәт хатлары тапшырылды.

24.09.2014 12:55

Дини белем алуга беркайчан да соң түгел

Зәйнең “Нур”, Икмәк кабул итү предприятиесе бистәсе, түбән мәхәлләләрдә агымдагы елның 1 октябреннән 6 яшьтән башлап һәм өлкән яшьтәгеләр өчен дини укулар оештырыла. Әлеге мәхәлләләрдә гарәпчә сөйләм теленә дә өйрәтеләчәк.

24.09.2014 12:54

Китапханәчеләр китап үткәнен төшендерә

Зәй үзәк китапханәсенең балалар бүлегендә укучылар өчен “Кайчан беренче китап басылган” дип исемләнгән библиографик сәгать оештырылды. Чарада китап барлыкка килү тарихы буенча презентация күрсәтелде.

24.09.2014 12:53

Зәй имам-мөхтәсибе белем эсти

"Казан" милли мәдәният үзәгендә Татарстан мөселманнары Диния нәзарәте, Россия ислам институты һәм Казан федераль университеты белән берлектә, мәдрәсәләрдә укытучы һәм мәчетләрдә башлангыч дини белем бирүче мөгаллимнәр өчен“Ислам мәгарифен камилләштерү ысуллары” дип аталган квалификация күтәрү курслары оештырды. Укуларда Зәй имам-мөхтәсибе Сәгыйть хәзрәт Камалов катнашты.