11 августа 2015 года в Буинске

11.08.2015 14:28

Буа музеенда кунакта – агат ташлар күргәзмәсе (фоторепортаж)

Татарстанның табигый тарих музееннан китерелгән күргәзмә-коллекциядә 60ка якын экспонат урын алган. Ташлар оригиналларда, махсус рамкаларга яктырткычлар белән һәм картиналар итеп урнаштырылган. Шунда ук агат турында бай мәгълүмат белән танышырга була. Сезне таштагы рәсемнәрнең бер-берсен кабатланмавы һәм агат миндалинының гадәти булмаган зурлыктагы киселеше гаҗәпләндерер. Кыскасы, туган якны өйрәнү музеена килегез, барысын да үз күзләрегез белән күрегез.

11.08.2015 14:20

Буалылар, иске йортларны сүтеп, утын запасы туплагыз

Шәһәрдәге Карл Маркс урамындагы 64, Кызыл Армия урамындагы 69, 69 “А”, Энгельс урамындагы 89, Яңа Суыксу авылының Пушкин урамындагы 13 номерлы йортлар аварияле торак статусында торалар. Анда яшәүчеләр яңа квартираларга күчерелгән. Ә бушап калган биналарны теләгән кеше үз техникасы белән килеп үзенә төзелеш материалына, утынга түләүсез сүтеп китә ала. Моның өчен алдан муниципаль район Советының төзелеш һәм коммуналь хуҗалык бүлегенә мөрәҗәгать итәргә кирәк. Телефон: 3-18-02.

11.08.2015 14:19

Буада өермә каян чыкты? Белгечләр комметарийлары

Шимбә көнне кичке бишләрдә “Наратлык” һәм “Акчарлак” балалар лагерьлары урнашкан урман массивында өермә котырды. Урман аша балалары янына баручы әти-әниләрнең юлын җил аударган агачлар бүлде. Кайсылары, куркудан, транспортларын калдырып киткәннәр. Бәхеткә, имгәнүчеләр булмаган. Ураманда көчле җил “гизүе” турында хәбәр барлык экстрен хезмәтчелекләргә җиткерелде. Алар тиз арада юлларны ачып, берничә сәгать эчендә электр үткәргечләрне төзәттеләр. Айрат ХАНБИКОВ, Буа районы эчке эшләр бүлеге начальнигы... Читать дальше...

11.08.2015 09:35

Буалылар, шәһәрнең, авылларның иң матур почмакларын фотога төшерегез һәм музейга җибәрегез

30 августта – Шәһәр туган көнендә узачак бәйрәм уңаеннан “Ял үзәге” каршысында “Минем туган ягым – кайда бар шундый тагын” дип аталган күчмә күргәзмә оештырылачак. Анда һәркем – авылдамы, шәһәрдәме туган ягының гүзәллеген, аның үсешен фоторәсемгә төшереп катнаша ала. Һәр эш махсус комиссия тарафыннан каралачак, иң уңышлылары күргәзмәгә куелачак. Моның өчен фотоларны Буа шәһәре, К. Маркс урамы, 70 йорт адресы буенча туган якны өйрәнү музеена китерергә яисә buamusty@mail.ru эектрон адресына җибәрүегез сорала. Читать дальше...

11.08.2015 09:34

Буа редакциясе коллективы ветеран коллегасы белән хушлашты

Кичә, 10 августта, 64 яшендә озак еллар редакциядә эшләгән, хатлар бүлеге мөдире булып торган Мәдина апа Сиражетдинова (Билалова) вафат булды. Аның социаль, әхлакъ темасына язмаларын меңләгән укучы яратып укый иде. Мәдинә апа шат күңелле, аралашучан, якты кеше иде. Ул озак еллар авыр чир белән көрәште һәм, кызганычка каршы, җиңелде... Редакция коллективы аның якты истәлеген мәңге хәтердә саклар.