26 августа 2015 года в Буинске

26.08.2015 20:43

Бүген Космовский урамында бер үк вакытта ике авария булды

Эш сәгате бетеп, урамнарда тыгыз автомобиль хәрәкәте туганда шәһәрнең Космовский урамында бер үк вакытта ике ДТП теркәлде. Аның Ленин урамы белән киселешендә 'Деу Матиз" һәм "Шевроле Нива" бәрелештеләр. Ә Боҗрадан ерак түгел булган һәлакәттә берьюлы өч автомобиль катнашты. Беренче "иномарка" тыкрык алдында туктап калган, аның артыннан "Шевроле Круз" һәм "Приора" килгәннәр. Монда "домино" принцибы буенча бәрелгәннәр. Барысыннан да күбрәк "Шевроле Круз" зыян күргән.

26.08.2015 17:19

Карлы авылында 1939 елгы ир-ат электр тогы белән пеште

Ул өендә үз белдеге белән электр линиясен төзәтергә уйлаган. Рубильниктан токны өзмәгән килеш ачык электр үткәргеченә тыкшынган. Нәтиҗәдә электр тогы уң кулының бармакларын пешергән. Үзәк дәваханәнең “Ашыгыч ярдәм” бүлеге хезмәтчелеге белдерүенчә, ул икенче дәрәҗә пешү алган. Терапия бүлегенә стационар дәвалануга урнаштырылган. Пациентның хәле уртача дип, бәяләнә.

26.08.2015 16:36

Кадерле буалылар, иске шәһәр фотоларын карап, хатирәләр барлагыз

Хөрмәтле укучыларыбыз! Сентябрь уртасында Буага 235 тула. Бу уңайдан Сезгә аның 70нче, 80нче, 90нчы еллардагы күренешләре белән иске фотоларны карарга тәкъдим итәбез. Әлеге фотолардагы объектлар белән бәйле хатирәләрегезне исә Буа шәһәре, Карл Маркс урамы, 62 йорт буенча “Байрак” газетасы редакциясенә китерә, яисә bayrakbua@mail.ru электрон почтасына сала, безнең сайтта, “ВКонтакте” челтәрендәге “Новости Буинска” төркемендә язып калдыра аласыз. Иң кызыклы дип табылганнарын “Байрак” газетасында бастырып чыгарачакбыз. Читать дальше...

26.08.2015 14:24

Буада мәгариф хезмәткәрләренең традицион август конференциясе узды (фоторепортаж)

Бүген Буаның барлык укытучылары, тәрбиячеләре район мәдәният йортына җыелды – биредә традицион август конференциясе узды. Еллык нәтиҗәне ясарга Татарстан Мәгариф һәм фән министрлыгының мәгариф өлкәсендә контроль һәм күзәтчелек буенча департаменты җитәкчесе урынбасары Айрат Мөхәммәтов килде. Ул БДИ нәтиҗәләрен анализлаганда районның узган елга караганда шактый алга китүен ассызыклап үтте. Соңыннан ул залда утырган барлык педагогларга уңышлар теләде. Әлеге җылы “нотада” муниципаль район башлыгы Азат Айзетуллов та чыгышын дәвам итте. Читать дальше...

26.08.2015 12:05

Республика, шәһәр һәм район туган көннәрен буалылар кайда бәйрәм итәчәк

29 августта үзәк мәйданда Республика көннә һәм шәһәребез, районыбыз туган көнгә багышланган зур бәйрәм булачак. Тантана 10 сәгатьтә мәйдан үзәгендә урнаштырылган сәхнәдә бәйрәм концерты белән башланып китәчәк. Шуннан ерак түгел “Буа осталары” ясаган кул эшләре күргәзмәсендә җирле рәссамнарның картиналары, кул эшләнмәләре урын алачак, мольберт такталарда рәсем ясау да булачак. Шәһәр мәктәпләре укучылары исә, декоратив кул эшләре буенча мастер-класс күрсәтәчәкләр. Китапханәчеләр халыкны әдәби ишегалдына чакырачак. Читать дальше...