20 августа 2015 года в Буинске

20.08.2015 17:04

Буалылар бәхәсләшә: юл буйларына чүп-чар ташлаучы автомобильчеләрне штрафка тартыргамы-юкмы?

“Справедливая Россия” партиясеннән депутат Андрей Туманов Дәүләт Думасы каравына автомобиль йөртүчеләргә транспорт тәрәзәсеннән тәмәке төпчеге, чүп ташлаган өчен штраф түләттерү турындагы яңа закон проектын тәкъдим итә. Әлеге документ кабул ителсә, законны бозучылар беренче тапкыр 5 мең сум, кабатланса, 10 мең сум штраф түләргә яки 20дән 40 сәгатькә кадәр төзәтү эшләренә мәҗбүр ителергә тиеш була. Депутат белдерүенчә, Россиянең кайбер регионнарында автомобиль тәрәзәсеннән чүп ташлаган өчен административ җаваплылык каралган. Читать дальше...

20.08.2015 16:21

Буалы полицейскийлар су төрләре спорты буенча дөнья чемпионатыннан кайттылар

Буа районы эчке эшләр бүлегенең 20 хезмәткәре Казанда су төрләре спорты буенча дөнья чемпионаты вакытында җәмәгатьчелек тәртибе сакладылар. Аларның хезмәт командировкасы 18 июльдән 17 августкача дәвам итте. Безнең район полицейскийлары “Буревестник” спорт объектында су полосы буенча ярышлар вакытында тәртип сакладылар. Гадәттән тыш вакыйгалар булмады, диләр алар.

20.08.2015 14:15

”Эт оясы” рәсеменә иң оста комментарий калдыручыга бүләкне тапшырдык

Татар телендә дүртьюллык шигыре “Эт оясы” рәсеме астында сайт укучыларының иң күп тавышын җыйган Гөлнур Хәсәнҗанова бүген иртән “Байрак” газетасы редакциясенә килеп җиңүче бүләген алып китте. Без аңа призны рәхәтләнеп тапшырдык. Гөлнур Буа шәһәрендә яши, “Батыр” балалар бакчасында татар теле укытучысы булып эшли. Шигырьләр яза, конкурсларда катнашырга ярата. “Эт оясы” рәсем астына шигыре минут эчендә язылган, күрәсең, “җиңел кулдан” булган.

20.08.2015 12:32

Кичә буалылар Камилла Гыйбадуллинаны дәвалауга акча җыйды +фото

“Нечкәбил” республика конкурсы катнашучысы Ләйсән Сәмәрханова инициативасы буенча һәм Буа дәүләт театры хуплавы, ярдәме белән кичә театр бинасында каты авыручы якташыбыз Камилла Гыйбадуллинага ярдәм йөзеннән хәйрия концерты оештырылды. Тамашага барлык билетлар сатылып бетте, моннан тыш акча җыю өчен аерым әрҗә куелды, Ләйсәннең үзе һәм балалар кулы белән ясалган амулетлар сатылды. Буалылар ярдәме белән бер кичтә 40 мең сумга якын акча җыеп җибәрелде. Хәзерге көндә Мәскәүдә дәваланучы Камилла... Читать дальше...

20.08.2015 12:12

Бүген иртәнге ыгы-зыгыда Буада ДТП булды

Р. Люксембург урамыннан килүче “Рено Логан” Арефьев урамынна чыгучы уникенче модельле “Жигули” белән бәрелеште. Дөрес, ДТПда автомобильлләрнең икесе дә зур зыян күрмәде. Әмма эш шунда – бу авариядә Р. Люксембург буенча баш юлдан килүче чит ил автомобиле гаепле. Чөнки Арефьефтан килүче юлда баш юлга чыкканда “Юл бир” билгесе тормый. Нәтиҗәдә юлла тигез хокуклы статусы ала, ә “Жигули” бу очракта “иномарка”га “правая помеха” була.