8 сентября 2015 года в Буинске

08.09.2015 15:47

“Татарстан Почтасы” Буадан газета-журналларга язылучыларны бүләкләде

2014 елның 25 сентябреннән 4 октябренә кадәр “Татарстан Почтасы” газета-җурналлар рәсмиләштерүчеләр арасында “Квитанңия рәсмиләштер һәм бүләк уйнатуда катнаш” дигән акция уздырган иде. Әлеге чарада Буадан да катнашучылар күп булды. Шушы көннәрдә районара почтамтта анда приз откан алты әбүнәчегә бүләкләр өләштеләр. Янтуганнан Миңнур Азизовага, Яңа Тинчәледән Тәскирә Алиәкбәровага чәч бөдрәләткеч, Кыр-Энәледән Җәүдәт Галиуллинга, Алшихтан Светлана Пайгуновага (рәсемдә) тостер, Ташкичүдән Алсу Җәләлиевага сок сыккыч... Читать дальше...

08.09.2015 13:16

Буада яшүсмергә мәҗбүриләп аракы эчергән хатын-кызга карата җинаять эше ачылды

Чуаш Сарыкамышы авылында яшәүче В. үз өендә яшүсмергә быел апрель аенда беренче тапкыр кыстап көмешкә эчерә. Хуҗа кеше үзе дә исерек була. Бер айдан бу хәл тагын кабатлана, бу юлы хатын-кыз балигъ булмаучыны аракы белән сыйлый. Өченче охшаш очрак июль аенда теркәлә. Хәзерге көндә яшүсмерне кыстап исертүче В.га карата җинаять эше кузгатылды.

08.09.2015 10:34

Хәтерен жуюдан интегүче буалыны Түбән Камада эзлиләр

Кичә төнгә каршы туганнары һәм волонтерлар Түбән Камада югалган буалы егетне эзләүгә керештеләр. 18 яшьлек Марк Хон Түбән Камага туганнарына кунакка барган һәм Үзәк базар районында юкка чыккан. Ул кызыл кирпеч төсендә джинс чалбар, кызгылт сары җиңнәре һәм капюшоны белән чылбырллы ак толстовка кигән. Ябык гәүдәле, буе 170 сантиметр, чәчләре кыска, кара төстә. Туганнары әйтүе буенча Хон хәтерен җуюдан интегә. Аны күрүчеләрнең 89196295195, 89172619171 телефон номерларына шалтыратулары сорала.

08.09.2015 10:26

Кичә кич Буада “LAND ROVER” автомобиле дамба астына “очты”

Бу хәл кичке сәгать 9 туларга 5 минутта Казан – Ульяновск автоюлының 111нче километрында, “Орхидея” комплексы тирәсендә була. Ульяновск ягыннан килүче чит ил автомобиленә 1978 елгы ир-ат идарә итә. Ул юл хәрәкәте куркынычсызлыгын тәэмин итүче тизлекне сайламау аркасында юлның уң ягына төшә һәм коймага менә. ДТП нәтиҗәсендә аның пассажиры – 1988 елгы хатын-кыз зыян күрә. Ул төрле дәрәҗәдәге тән җәрәхәтләре белән дәваханәгә мөрәҗәгать итә.

08.09.2015 10:07

Буада әнисен кыйнаган 51 яшьлек ир-атка карата хөкем карары чыгарылды

Ул Россия Федерациясе Җинаять Кодексының 111 маддәсенең 1 бүлеге буенча, ягъни сәламәтлеккә алдан уйлап авыр зыян салуда гаепле дип табылды. Бу хәл апрельдә була. Иске Суыксуда яшәүче ир-ат үз өендә спиртлы эчемлек кулланган хәлдә 84 яшьлек әнисен кыйный – башына суга, берничә мәртәбә тибә. Авыр дәрәҗәдәге тән җәрәхәтләре алган әби дәваханәгә озатыла. Суд утырышы барышында зыян күрүче гаеплене гафу итсә дә, суд аны җәзаны гомуми режимдагы төзәтү колониясендә үтәү рәвешендә 1 елга ирегеннән мәхрүм итте. Читать дальше...