10 сентября 2015 года в Буинске

10.09.2015 15:22

Россиянең 15 яшьлек йөзүчесе бишенче каттан егылган һәм яраларыннан үлгән

Болгариянең Кранево курорт шәһәрендә урнашкан кунакханәнең бишенче катындагы балконынан егылып төшкән Максим Маурер чик авыр хәлдә реанимациягә урнаштырыла. Ул 9 сентябрьдә 4.30 сәгатьтә үлән өстенә егылып төшә. Әмма бу аны авыр имгәнүдән саклап кала алмый, егет күп төрле сынулар ала. Россиянең “Экран” су төрләре буенча олимпия резервы махсуслаштырылган балалар-яшүсмерләр спорт мәктәбе укучысы алган яраларыннан үлә. Хәзер әлеге факт буенча тикшерү бара.

10.09.2015 11:21

Буаның “Шик” кибете каршында басып торучы автомобильне бәрдерделәр

Кичә кич “ВАЗ-2109” автомобиле хуҗасы “Шик” кибете каршындагы “стоянка”да “ВАЗ-2112” машинасын бәрдерде. Ул кузгалып киткәндә чигенә һәм туктап торучы автомобильне “эләктерә”. ДТП нәтиҗәсендә уникенче модельле “Жигули”ның пассажир ягындагы алгы һәм арткы ишекләренә зыян килә.

10.09.2015 11:19

Буада “Халык участковые”на кандидатны сайлагыз! (+фото)

11 сентябрьдән 20сенә кадәр Буа муниципаль районы һәм территориаль эчке эшләр органнары сайтларында үзебезнең райондагы кадрлардан “Халык участковые” Бөтенроссия конкурсында катнашуга лаеклы полиция участок вәкилләрен сайлау үткәрелә. Буа эчке эшләр бүлегеннән полициянең өлкән участок вәкилләре, полиция майоры Ренат Рифкать улы Габбазов һәм полиция капитаны Александр Васильевич Федотов кандидатуралары халык сайлавына куела. Районда яшәүче һәр кеше әлеге сайтларга кереп, конкурслар бүлеген ачып... Читать дальше...

10.09.2015 11:07

Карлы авылы башында, “Орхидея” янында тагын ДТП булды (+фото)

Кичә кичке сәгать унберенчедә анда Карлы ягыннан Буага баручы “Тойота Аурис” автомобиле һәм аңа каршы килүче тагылмалы “КамАЗ” бәрелештеләр. Зур юлда шул сәбәпле бөке хасил булды, машиналар Казан-Ульяновск трассасына Адав-Толымбай авылы аша әйләнеп чыктылар. Авариядә чит ил автомобилен йөртүче 1981 елгы ир-ат каза күрде – ул төрле имгәнүләр белән район үзәк дәваханәсенә китерелде. Әлеге юл-транспорт һәлакәтенең сәбәпләре ачыклана.

10.09.2015 09:58

Татарстанда яңгыр һәм яшен көтелә

Синоптиклар фаразы буенча иртәгә, 10 сентябрьдә, республиканың күп районнарында явым-төшем, урыны-урыны белән яшен булуы да мөмкин. Ә көньяк-көнбатыштан исүче җилнең тизлеге көчәйгән вакытта секундына 15-18 метрга җитү ихтималы бар. Татарстанның көнбатыш районнарында азрак салкынрак булачак – төнлә 8-12, көндез 15-19 гарадус җылылык көтелә.