27 апреля 2015 года в Буинске

  Шәһәр үзәгендә Бөек Ватан сугышында һәлак булучылар истәлегенә һәйкәл төзелеше ахырына якынлашып килә. Әлегә кадәр яңгыр гына мәрмәргә ветераннарның исемнәрен, төгәлрәге, алтын йөгертелгән элпә белән капланган металл хәрефләрне ябыштырырга комачаулады. Шулай да эшчеләр соңгы ике көндә аларның яртысын үз урыннарына беркетә алдылар. Район ветераннар Советы рәисе Николай Дементьев әйтүенчә, анда барлыгы 500 ветеранның исеме язылачак. Төзүчеләргә моның өчен өч көн вакыт кирәк. Синоптиклар исә алдагы көннәрдә аяз һава торышы... Читать дальше...

Узган елның 4 ноябрендә кеше таптаткан “Уңыш” чикләнгән җаваплылыклы җәмгыятенең “КамАЗ-45144” автомобиле  йөртүчесе 26 яшьлек Рөстәм Юлдашевка карата хөкем карары укылды.   Йөртүче транспортын артка бирү нәтиҗәсендә 1963 елгы Чурак авылында яшәүче авыр дәрәҗәдәге тән җәрәхәтләреннән һәлак булган иде. Рөстәм Юлдашев судта үз гаебен тулысынча таныды. Ул 2 елга транспорт белән идарә итүдән читләштерелде,. Россия Федерациясе Җинаять кодексының 73 маддәсе 3 бүлеге нигезендә 2 елга сынау срогы белән шартлы рәвештә ирегеннән мәхрүм ителде. Читать дальше...

  Бүген район мәдәният сараенда Идел аръягы районнарының җирле үзидарә вәкилләре катнашында семинар-киңәшмә узды. Анда муниципаль район башлыгы Азат Айзетуллов, Татарстан Республикасының муниципаль берәмлекләр Советы рәисе Минсәгыйть Шакиров, алты районның прокуратура вәкилләре катнашты. Алар җирле үзидарә башлыкларын узган һөнәри бәйрәмнәре белән тәбрикләделәр һәм законнардагы яңалыклар, аларны дөрес үтәлеше хакында әйтеп уздылар.

Шәһәр үзәгендә  9 май көнне Бөек Җиңүнең 70 еллыгына багышлап үткәрелүче Парадта сугыш ветераннары, тыл хезмәтчәннәре, кадет, полиция, яшь коткаручылар сыйныфлары, “Форпост” отряды әгъзалары, медицина училищесы студентлары белән бергә “Үлемсез полк”та мәйдан әйләнәчәк. Район мәгариф идарәсе начальнигының тәрбия эшләре буенча урынбасары Наталья Македонская әйтүенчә, шәһәр мәктәпләре укучылары арасында  бу көнне мәйданга яу кырында һәлак булган, аннан кайткач үлгән бабаларының, әбиләренең, якыннарының... Читать дальше...

“Мунчаның ишекләре ачылган, анда нәрсәдер эшлиләр”, дип хәбәр иттеләр шул тирәдә яшәүчеләр редакциягә.  Үз чиратыбызда, шикәр заводы мунчасында нинди эшләр баруын белешергә теләп,  предприятие директорының социаль мәсъәләләр буенча урынбасары Дания Сафиуллинага мөрәҗәгать иттек. Аның әйтүенчә, ялланган эшчеләр мунчаның эчен чистартып чыгарганнар. Мунча газ ягып җылытуга күчереләчәк. Шуның өчен аерым пар казаны бинасы салырга кирәк булачак. Аңа бәйле документлар рәсмиләштерелеп беткәч, төзү эшләре башланачак. Читать дальше...