3 июля 2015 года в Буинске

03.07.2015 15:14

Буада Ефремов урамындагы мәчеттән чыгып килүче бабайны автомобиль бәрдерде

Бу хәл кичә 22 сәгать 40 минутта шәһәрнең Ефремов урамының 90 номерлы йорты каршында була. Мәчеттә намаз укыганнан соң өйгә кайту юнәлешендә юлны тиеш булмаган урыннан аркылы чыгучы 82 яшьлек бабайны караңгыда күрмичә узгынчы “Лада-Приора” автомобиле бәрдерә. Руль артында 1988 елгы ир-егет була. Бабай тиз арада дәваханәгә озатыла, табиблар аның табан сөягенә зыян килүен раслыйлар. Карт дәваханәдә дәваланырга калмыйча, өенә кайтып китә.

03.07.2015 14:51

Әлкидән өч мәртәбә миллионер Фидаил Фәхретдинов кошчылык фабрикасы төзергә җыена

Бу максатка 3 миллион сум акча федераль һәм республика бюджетыннан бирелә – ул “Крестьян-фермер хуҗалыгы базасында гаилә терлекчелек фермаларын үстерү” региональ конкурсында катнашып, шул күләмдә грант отты. Фермерлык эше белән 10 ел шөгыльләнүче һәм карамагында 70 гектар җире булган Фидаил икенче һөнәр дә үзләштерергә – тавык йомыркасы җитештерергә планлаштыра. 10 мең баш кошка исәпләнгән тавык фабрикасын ул туган авылында сафка бастырачак. Төзү эшләренә якын арада керешәчәк.

03.07.2015 14:49

Время приема пищи и разговения в Буинске

Сегодня четырнадцатый день священного месяца Рамадан. Мусульмане принимают пищу перед самым рассветом до 01 часа 13 минут. Солнце заходит в 20 часов 27 минут, в это время происходит разговение.

03.07.2015 12:01

Яңа Чәчкаптан Хәмит Гыйматдинов бәрәңгене салам астында үстерә

Районның баш агрономы үз бакчасында быел өч буразна бәрәңгене салам астына чәчкән. Ул чәчүлек орлыкны җир өстенә салып чыккан һәм 20-25 сантиметр калынлыкта салам белән каплаган. Саламнан “толып” астындагы бәрәңгеләр ачыкта утыручы кардәшләреннән үсеше буенча азрак калышалар, аның каравы яфракларында колорадо коңгызлары да, личинкалары да юк, чүп үләне дә үсми. Хәмит быел мондый ысул белән бәрәңгене беренче тапкыр гына үстерә. Уңышы нинди булачагын көз күрсәтер, ә без бу хакта сезгә җиткерербез. Читать дальше...

03.07.2015 12:00

БДИ йомгаклары: 255 чыгарылышның 254е аттестат алды, берсе – юк

Быел буалы укучылар бердәм дәүләт имтиханнарында алган балларның уртача күрсәткече республика буенча уртача күрсәткечкә якын. Иң мөһиме барлык фәннәрдән диярлек былтыргыдан югарырык уртача баллар җыелган. Аерым фәннәрдән алганда, рус теленнән уртача 65,4 (былтыр 56,9), математикадан (профильле) – 47,1 (36,9), җәмгыять белеменнән – 57 (50,7), тарихтан – 58,2 (41,4) балл тупланган. Физика, биология, информатика, рус әдәбияты, география, химия буенча ул 53-59га тиң. Иң югары уртача баллар – географиядән һәм инглиз теленнән. Читать дальше...