16 июля 2015 года в Буинске

    Бүген, 16 июльдә 22 сәгатьләр тирәсендә Карлы авылындагы "Лилиана" кибете янында тагын ДТП булды. Буа ягыннан велосипедта хәрәкәт итүче ир-ат автомобиль көпчәге астына эләкте. Эчке эшләр бүлегенең кизү тору бүлекчәсендә аврия урынында әлегә тикшерүчеләр эшли, тулырак мәгълүматны соңрак бирәчәклрен белдерделәр. Дәваханәнең ашыгыч ярдәм бүлеге авариядә каза күрүче ир-атның исән булуын әйттеләр. Әлеге ДТП  турыда тулырак язачакбыз.

“Ландыш” сәүдә үзәгендәге чәчтарашханәдә ир-таларның чәчләрен түләүсез кыркалар, дигән хәбәр чыкты Буада. Бу хәл, чыннан да булган, ләкин вакытлыча гына. Ир-атларның чәчләрен бары тик өч-дүрт көн генә түләүсез алганнар, прическалар ясаганнар. Баксаң, бу акция дә, хәйрия хезмәт күрсәтүе дә түгел, ә чәчтарашханәгә яңа эшкә килгән оста шундый “эксперимент” өстендә үзенә тәҗрибә туплаган. Иң мөһиме бер клиент та “яңа пешкән” чәчтарашка ризасызлык күрсәтмәгән.

Буа икмәк  комбинатының арыш ипие бер сумга кыйммәтләнде, дигән хәбәр булды халык арасында. Белешүебезчә, бу ипи бәясе арту түгел, ә җирле пекарняның яңа сортлы арыш ипие 25 сум тора. “Дарницикий” сортлы без ярата торган арыш ипие һаман шул бәядә – 24 сум.  Комбинатның  баш технологы Рамилә Хәйретдинова болай аңлатты:   - Бездә ипигә бәяләр артмады.  Формасы буенча  традицион “Дарницкий” сортлы арыш ипиенә охшаш “Дачный” сортлысын  пешерә башладык. Ул  “Дарницикий”дан1 сумга кыйммәтрәк. Ипиләрнең бәя аермасы составларына бәйле ... Читать дальше...

Бу хакта чәршәмбе көнне Ял үзәгендә бакчага йөрүче, “садикка” чиратта торучы балаларның әти-әниләре белән очрашуга килгән район башкарма комитеты җитәкчесенең социаль мәсъәләләре буенча урынбасары Лилия Садретдинова әйтте. Әлегә җәмәгать транспортының “Светофорик”ка иртә-кич керәчәге генә билгеле, төгәл маршруты тәгаенләнмәгән. Ә “Светофорик” ачылгач шәһәрдә һәм Көнбатыш бистәдә эшләп килүче бакчаларның берсе дә ябылмаячак. “ Яңа бакчага беренче чиратта урын көтүче балалар йөриячәк, калган төркемнәрне туплау турында сөйләшүләр алып барыла. Читать дальше...

  Казанда 26 яшьлек Валентина Быстрованың кызлары күпчелек очракта ач килеш төн кунганнар, ә берсе эт оясында да яшәргә мәҗбүр булган. Тәрбия булмау аркасында балаларның үсешләре тоткарланган, аларда рахит авыруы башланган. Аның өч баласы өч әтидән, уртанчысы әтисе янында тәрбияләнә. Хәсрәт әни балигъ булмаганнар эшләре буенча комиссия әгъзаларына күп тапкырлар эчүен ташларга вәгъдә биргән, тик сүзендә тора алмаган. Казанның Идел буе районы суды карары нигезендә ул хәзер аналык хокукыннан мәхрүм ителде, кызларына алимент түләп торачак. Читать дальше...