24 июля 2015 года в Буинске

24.07.2015 16:42

Буалы ир-ат 95 процент пешү алды

Кичә, 23 июль көнне, кичке биш сәгатьләр тирәсендә Буаның Космовский урамында яшәүче 1971 елгы ир-ат каты пеште. Ул үзенең ишегалдында торучы ясалма тимер мичен кабызганда ут утынга тизрәк элсен өчен сыек ягулык кулланган. Нәтиҗәдә ут “гөлт” итеп кабынып ир-атның киемнәренә һәм чәчләренә, тәненә дә үрләгән. Ул каты пешүдән һәм авыртудан аңын җуйган. Дәваханәгә китергәч, ир-атның иң югары дәрәҗәдә – 95 процент пешү алуы ачыклана. Хәзер район үзәк дәваханәсенең реанимация бүлегендә табиблар аның тормышы өчен көрәшәләр. Читать дальше...

24.07.2015 16:27

Ырыңгылы хатын-кыз кыйналган эзләр белән реанимациягә эләкте

22 июльдә төнге уникеләр тирәсендә Ырыңгы авылында яшәүче 1947 елгы хатын-кыз каты тән һәрәхәтләре белән район үзәк дәваханәсенә китерелде. Җәберләнгән әби турында аның күршеләре дәваханәнең “Ашыгыч ярдәм” бүлегенә хәбәр итеп, ярдәмгә килүне сорадылар. Каза күрүчене турыдан-туры дәваханәнең реанимация бүлегенә салдылар. Бүгенге көндә аның хәле тотрыклыланды.

24.07.2015 12:39

Кыр Тәүгелдесеннән Фирдүс Ганиев: “Оныкларымны урамга чыгарырга куркам”

Җәй көне авылга кайтып яшәүче Мәскәү пенсионеры Кыр Тәүгелдедә төлкеләрнең иркенләп урамда йөрүләренә, бәрәңге бакчалары башында өннәр ясап, бала чыгаруларына исе китә. Ул кечкенә оныкларын олылар күзәтүеннән башка урамга чыгарырга курка. Чөнки авылны басып алган җәнлекләр кешедән дә, этләрдән дә курыкмыйлар. Фирдүс Ганиев алар котыру чире белән авырмыйлармы икән дип шикләнә. Чөнки котырган төлкеләр, гадәттә, курку хисе белмиләр. Ә андый җәнлекләр кешене тешләсә, хәл үлем белән дә очланырга мөмкин. Читать дальше...

24.07.2015 11:29

Казанда дөнья чемпионатын ачу тантанасында Владимир Путин да катнаша

Бүген Казанда су спорты төрләре буенча XVI дөнья чемпионатын ачу тантанасы була. Анда Казанга эшлекле визит белән килгән Россия Президенты Владимир Путинның да катнашуы көтелә. Сүз уңаеннан, “Спорт проектлары башкарма башкарма дирекциясе” АНО генераль директоры Азат Кадыйров әйтүенчә, чемпионат бюджеты 3 миллиард сумга сыеша. Ә алдан ул 3 миллиард сум һәм 3,6 миллиард сум арасында булыр дип фаразланды. Оештыручылар күбрәк үзебездә җитештерелгән җиһазларны, киемнәрне, азык-төлекне куллануны хуп күрделәр. Читать дальше...

24.07.2015 11:06

Бүген безгә җәй “кире кайта”

Бүгеннән салкынча һава торышын җәйге җылы температура алмаштырачак. Татарстан гидрометеорология үзәге хәбәр итүенчә, республикада бүген һава температурасы плюс 26 градуска күтәреләчәк. Дөрес, республика районнарында урыны белән аязучан болытлы һава һәм яңгырлар да вәгъдә ителә. Ә Буала явым-төшем көтелми. Мәскәүдә дә бүгенге җомганың соңгы “салкын” көн булуын, аннары җылы җәй “кайтачагын” хәбәр иттеләр.